രാഷ്ട്രീയ എതിർപ്പിനപ്പുറം കേരളം ചിന്തിക്കേണ്ടത് എന്തുകൊണ്ട്?
കേരളത്തിലെ വിദ്യാഭ്യാസരംഗത്ത് ഇപ്പോൾ പ്രധാന ചർച്ചയായിരിക്കുന്ന വിഷയമാണ് കേന്ദ്രസർക്കാരിന്റെ PM SHRI (PM Schools for Rising India) പദ്ധതി. പദ്ധതി നടപ്പാക്കുന്നതിനെതിരെ കേരള സർക്കാർ ഉന്നയിക്കുന്ന പ്രധാന വാദം വിദ്യാഭ്യാസരംഗം “സംഘിവൽക്കരിക്കപ്പെടും” എന്നതാണ്. എന്നാൽ PM SHRIയുടെ ഔദ്യോഗിക രേഖകളും, പദ്ധതിയുടെ ലക്ഷ്യങ്ങളും പരിശോധിക്കുമ്പോൾ ഈ ആരോപണത്തിന് എത്രത്തോളം വസ്തുതാപരമായ അടിത്തറയുണ്ടെന്ന് പരിശോധിക്കേണ്ടതുണ്ട്.
എന്താണ് PM SHRI?
രാജ്യത്തെ തെരഞ്ഞെടുത്ത സർക്കാർ, സർക്കാർ നിയന്ത്രിത സ്കൂളുകളെ മാതൃകാ വിദ്യാലയങ്ങളാക്കി വികസിപ്പിക്കുക എന്നതാണ് PM SHRI പദ്ധതിയുടെ പ്രധാന ലക്ഷ്യം. മികച്ച അടിസ്ഥാനസൗകര്യങ്ങൾ, ICT സൗകര്യങ്ങൾ, ശാസ്ത്ര-സാങ്കേതിക പഠനം, കായികവും കലയും, ആധുനിക അധ്യാപനരീതികൾ, പരിസ്ഥിതി സൗഹൃദ സംവിധാനങ്ങൾ തുടങ്ങിയവ പദ്ധതിയുടെ ഭാഗമാണ്.
അതിനാൽ PM SHRIയുടെ അടിസ്ഥാന ലക്ഷ്യം, വിദ്യാർത്ഥികൾക്ക് കൂടുതൽ മികച്ച പഠനാന്തരീക്ഷവും, ആധുനിക സൗകര്യങ്ങളും ഒരുക്കുക എന്നതാണ്.
