സങ്കൽപ്പത്താൽ സൃഷ്ടിക്കപ്പട്ട ജഗത്തിനെ സ്വാംശീകരിച്ച്, ഉൾക്കൊള്ളുവാനായുളള ജീവനുടെ പ്രക്രിയയാണ് ജഗത്തിനെ (ആ) ഹരിക്കുക!..
എന്നാൽ മാത്രമേ
ആ ഹരിയുടെ അടുത്തെത്താൻ
സാധിക്കൂ..
ആയതിനാൽ, സർവ്വ പ്രാണികളും ഈ ജഗത്തിനെ പല വിധത്തിൽ ഹരിച്ചുകൊണ്ടിരിക്കുന്നു; എന്നിട്ട് ദേഹം പേറി നടക്കുന്നു…
ദേഹത്താൽ മോഹവും മോഹത്താൽ അഹങ്കാരവും, അഹംകാരത്താൽ കർമ്മവും കർമ്മത്താൽ ഗതിയും, ഒടുവിൽ,
ഗതിയിൽ പരഗതിയും പ്രാപ്തമാകും…
.
പരഗതി, ഒടുവിൽ, ആരംഭത്തിലും എത്തിക്കുന്നു…
**
ഒന്ന് ഒന്നിനെ കൊന്നും തിന്നും,
ഹരിച്ചും ഗുണിച്ചും,
ഈ ജഗത്തിലെ ജീവൻ ഒരു പടയോട്ടത്തിലാണ്…
**
ഒന്ന് ഒന്നിനെ നിഗ്രഹിക്കുന്നതും
ഒന്നാകാൻ വേണ്ടി യാണ്. ഒന്നാമനാകാനും…
**
നീ എന്തു തിന്നുന്നുവോ
അതായി തീരും.
തിന്നുന്നതെന്തും
നിന്നെയും
തിന്നുകൊണ്ടേയിരിക്കും…
**
ആഹാരം ഉൾകൊളളുന്നത്
ആകാരമാകാണ്.
ആകാരമാകുന്നത്
ഹരിയുടെതാകാനാണ്….
ഹരി ഓം! തത് സത്!!..
